agenda 2022 / 2023
La Cultura Rumantscha Lucerna preschenta a Vus il program d' inscunters per famiglias e persunas rumantschas a Lucerna e conturn.
La purschida «las muntanellas» per uffants ha lieu ina giada al mais. Las mesemnas èn mintgamai per ils uffants (3 fin16 onns) e las sondas per uffants e famiglias (avert per mintga vegliadetgna).
Per ils creschids vulain nus porscher a partir da december 2022 la «maisa radunda». Quella ha lieu ina giada il mais, mintgamai l'emprima gievgia saira da las 19.00 a las 21.00. Sche ti has gust da discurrer e dad udir durant duas uras rumantsch alura t’annunzia. Il lieu exact e las datas vegnan anc communitgads.